അഫ്രീദി ചോദിച്ചോട്ടെ...ഇനിയൊന്നു കൂടി വരുമോ...ആ പതിനാറുകാരനായിട്ട്....

എബി കുട്ടിയാനം 
പാക്കിസ്ഥാനിയോ ഇംഗ്ലീഷുകാനോ എന്ന് നോക്കിയിട്ടില്ല, കളി കാണാന്‍ തുടങ്ങിയ കാലം തൊട്ട് അഫ്രീദി ഞങ്ങള്‍ക്കൊരു ആവേശമായിരുന്നു....സച്ചിനേയും ദാദയെയും ഇഷ്ടപ്പെടുന്നതുപോലെ ഞങ്ങള്‍ ആ സുന്ദരകുട്ടപ്പനെയും ഇഷ്ടപ്പെട്ടിരുന്നു...എത്ര സമയം ക്രീസില്‍ നില്‍ക്കും എത്ര റണ്‍സെടുക്കും എന്നൊന്നും ആര്‍ക്കും അറിയില്ല, പക്ഷെ അഫ്രീദി ക്രീസിലെത്തുമ്പോള്‍ ഞങ്ങള്‍ക്ക് അത് ആഹ്ലാദത്തിന്റെ വലിയ പെരുന്നാളാണ്...കുറച്ച് നേരമാണ് ക്രീസിലെങ്കിലും അതൊരു പൊല്‍സ് തന്നെയായിരുന്നു...ബൂം ബൂം ആഫ്രീദി എന്നുള്ള നിറഞ്ഞ ഗ്യാലറിയിലെ ആര്‍പ്പുവിളികള്‍ക്കൊപ്പം വീട്ടിലെ മുറിയില്‍ ഒറ്റയ്ക്കിരുന്ന് എത്ര വട്ടം നമ്മള്‍ അഫ്രീദിക്കുവേണ്ടി ബൂംബൂം വിളിച്ചിട്ടുണ്ടാവും...
More Read:
FB A/C: Abi kutiyanam Bovikanam New
FB Page: Abi kutiyanam Bovikanam
Blog: Ezuthodezuth Blogspot.com
Email:abikutiyanam@gmail.com
Youtube:Abi kutiyanams Videoനെയ്‌റോബിയില്‍ ശ്രീലങ്കയ്‌ക്കെതിരെ തന്റെ പതിനാറാമത്തെ വയസ്സില്‍ വെറും 36 പന്തില്‍ സെഞ്ച്വറി നേടി(ഒരു സെഞ്ച്വറി നേടാന്‍ നൂറിലേറെ പന്തുകള്‍ വേണ്ടിവരുന്ന കാലത്തായിരുന്നു അത്) ലോകത്തെ വിസ്മയിപ്പിച്ച അഫ്രിദി അന്നുതൊട്ട് ഇങ്ങോട്ട് ഞങ്ങള്‍ക്കൊരു വിസ്മയം തന്നെയായിരുന്നു...അഫ്രീദി വന്നാല്‍ എന്തെങ്കിലും സംഭവിക്കുമെന്ന് ആരാണ് പറഞ്ഞുപോകാത്തത്...എനിക്ക് തോന്നുന്നു മുട്ടിയും തട്ടിയും നീങ്ങിയിരുന്ന ലോക ക്രിക്കറ്റിനെ വിസ്‌ഫോടനത്തിലേക്ക് വഴിതിരിച്ചുവിട്ടത് നമ്മുടെ ചങ്ക് ഹിറോ ആയ ആഫ്രിദീയിയാരിക്കുമെന്ന്....
പ്രിയപ്പെട്ട ഷഹീദ് ഖാന്‍ അഫ്രീദി....ഒരുപാട് ദു:ഖത്തോടെ പറയട്ടെ, സച്ചിനെപോലൊരാള്‍ പടിയിറങ്ങിപ്പോയ ക്രിക്കറ്റില്‍ നിന്ന് നിങ്ങളും യാത്ര പറഞ്ഞ് പിരിയുമ്പോള്‍ വല്ലാത്തൊരു ശൂന്യതയാണ് ഞങ്ങള്‍ അനുഭവിക്കുന്നത്...ലോകോത്തരമെന്ന് കമേന്ററ്റര്‍മാര്‍ വിളിച്ചുകൂവുന്ന ബൗളര്‍മാരെ കൊന്ന് കൊലവിളിക്കാന്‍ നിങ്ങളില്ലെന്നറിയുമ്പോള്‍ മനസ്സ് വലിയൊരു ശൂന്യത അനുഭവിക്കുന്നുണ്ട്....
ഷാഹിദ്....ആകാശത്തോളമുയര്‍ന്ന് മഴവില്ല് പോലെ വളഞ്ഞ് ഗ്യാലറിക്കുമപ്പുറം പോയി വീണുരുളുന്ന ആ കൂറ്റന്‍ സിക്‌സറുകള്‍ കണ്ടിട്ടും കണ്ടിട്ടും ഞങ്ങള്‍ക്ക് മതിവന്നിട്ടില്ല...വിക്കറ്റെടുത്തുകഴിഞ്ഞാല്‍ കൈ രണ്ടും ഉയര്‍ത്തിയിട്ട് ആ മുടിയൊന്ന് കുലുക്കിയിട്ട് നീ കാണിക്കുന്ന ആ ആഹ്ലാദമുണ്ടല്ലോ മറക്കില്ലൊരിക്കലും...
ഷാഹിദ്...ആ പച്ചക്കുപ്പായത്തില്‍ ഇനി നീ ഉണ്ടാവില്ല...നിന്റെ സിക്‌സറും ഹയര്‍സ്റ്റൈല്‍ കൊണ്ട് നീ കാണിക്കുന്ന ഇന്ദ്രജാലവും ഇനി ഞങ്ങള്‍ക്ക് അന്യമാവുന്നു...
ഷാഹിദ്....മോഹങ്ങള്‍ ഓവറാണെന്നറിയാം...എങ്കിലും ചോദിച്ചോട്ടെ...ഇനിയൊന്നു കൂടി വരുമോ...ആ പതിനാറുകാരനായിട്ട്....More Read:
FB A/C: Abi kutiyanam Bovikanam New
FB Page: Abi kutiyanam Bovikanam
Blog: Ezuthodezuth Blogspot.com
Email:abikutiyanam@gmail.com
Youtube:Abi kutiyanams Video