പ്രിയ സഹോദര
നിന്റെ പേരോ മേല്വിലാസമോ എനിക്കറിയില്ല
പക്ഷെ ഒന്നറിയാം
ഈ ഭൂമിയിലെ ഏറ്റവും നല്ല മകന് ഏതെന്ന്
ചോദിക്കുമ്പോള് ഞാനും ഈ ലോകവും
ആദ്യം ഓര്ക്കുന്ന
മുഖങ്ങളിലൊന്ന് നിന്റേതായിരിക്കും
ലോകത്തിലെ ഏറ്റവും മികച്ച മകന്
എന്ന മേല്വിസാലമെഴുതി ഒരു കത്ത്
പോസ്റ്റു ചെയ്താല് അത് നീ വസിക്കുന്ന
തെരുവിലെത്തുമെന്ന് ഞാന് വിശ്വസിക്കുന്നു
വാട്സ്ആപ്പും ഫെയ്സ്ബുക്കുമില്ലാത്ത
നിന്നെ ഞാന് എങ്ങനെയാണ് സഹോദര
അഭിനന്ദിക്കേണ്ടത്....
എവിടെയാണ് ഞാന് നിന്നേതേടി വരേണ്ടത്
ഈ എഴുത്തുപോലും വൈകിപ്പോയത്
നിന്നെക്കുറിച്ചെഴുതാന് പറ്റിയവാക്ക് കിട്ടാത്തതുകൊണ്ടായിരുന്നു
രക്ഷിതാക്കള് ഭാരമാകുന്ന ലോകത്ത്
നീ കൊതിപ്പിച്ചുകളയുകയാണല്ലോ മുത്തേ...
റോഹിങ്ക്യയിലെ ചോരചാലുകളും
കുഞ്ഞുനിലവിളികളും കണ്ട് കരഞ്ഞ് കലങ്ങിപ്പോയ മനസ്സിനെ ഒറ്റ നിമിഷം കൊണ്ട് നീ
സന്തോഷിപ്പിച്ചു കളഞ്ഞല്ലോ സഹോദര....
No comments:
Post a Comment