Thursday, September 7, 2017

ഗൗരി ലങ്കേഷ്


ഗൗരി ലങ്കേഷ്
മരിച്ചത് നിങ്ങളല്ല
എന്റെ ഇന്ത്യയാണ്

ഗൗരി ലങ്കേഷ്
വെടിയേറ്റത് നിങ്ങളുടെ
നെഞ്ചത്തേക്കായിരുന്നില്ല
ഇന്ത്യയുടെ ഹൃദയത്തിലേക്കായിരുന്നു

മുറിവേറ്റ് പിടഞ്ഞ് നിങ്ങളുടെ ശരീരമല്ല
ഇന്ത്യയുടെ ആത്മാവാണ്

ഒഴുകിപോയ രക്തമത്രയും ഒരു
രാജ്യത്തിന്റെ കണ്ണീരായിരുന്നു

ഗൗരി ലങ്കേഷ്
ആ പഴയതോക്ക്
ഇപ്പോഴും ഇവിടെ ബാക്കിയുണ്ടെന്നറിഞ്ഞിട്ടും
നിശബ്ദമാവാതിരുന്ന
നിങ്ങളുടെ വാക്കുകള്‍ ഒരു തോക്കിനും
തോല്‍പ്പിക്കാനാവാതെ ജ്വലിച്ച് നില്‍ക്കും
നേരിന് വേണ്ടി ശബ്ദിക്കുന്ന
അവസാന മനുഷ്യനെയും നിറയൊഴിച്ച് വീഴ്ത്തുംവരെ..

No comments:

Post a Comment