നമുക്ക് ഇനിയും മനുഷ്യനായി ജീവിക്കണം
കണ്ണേട്ടന്റെ വീട്ടില്‍ ഓണമാഘോഷിച്ച്
മമ്മദ്ക്കയുടെ വീട്ടില്‍ പെരുന്നാള്‍ കൂടി
വൈകിട്ട് ഒന്നിച്ച് ക്രിക്കറ്റ് കളിച്ച്
ഒരേ ബൈക്കില്‍ യാത്രപോയി
രാത്രി കുറെ കഥ പറഞ്ഞ്
നമുക്കിനിയും മനുഷ്യനായി ജീവിക്കണം
നമുക്ക് ഹൃദയങ്ങളില്‍ നിന്ന് ഹൃദയത്തിലേക്ക്
ഒരു ജാഥ പോവണം
നമ്മുടെ മുദ്രാവാക്യം സ്‌നേഹമായിരിക്കണം
നമുക്കിനിയും അപ്പുറത്തെ ഹിന്ദുവീട്ടില്‍ നിന്നും
മുസ്‌ലിം പുരയില്‍ നിന്നും
ഉപ്പും മുളകും കറിയും പഞ്ചസാരയും
പരസ്പരം കടം വാങ്ങണം
നമുക്ക് പായസവും ബിരിയണിയും
ഒന്നിച്ചിരുന്ന് കഴിക്കണം
നമുക്ക് ഒന്നിച്ച് ഇഫ്താര്‍ കൂടണം
നമുക്ക് ഓണത്തിന്റെ സദ്യയുണ്ണണ്ണം
നമുക്കൊന്നിച്ച് പെരുന്നാളിന്റെ ടൂറ് പോവണം
ബേക്കലത്തെ കോട്ട ചുറ്റി കാറ്റുകൊള്ളണം
ഈ കാറ്റിനും ഈ ഭൂമിക്കും വര്‍ഗ്ഗീയമില്ലെന്ന്
നമ്മള്‍ ഒന്നിച്ചിരുന്ന് പറയണം
No comments:
Post a Comment