നോമ്പിന്റെ പവിത്രതയോടുകൂടിയാണ് ടിയോട്ടിയെ മരണം കൊണ്ടുപോയത്്

എബി കുട്ടിയാനം

പ്രിയപ്പെട്ട ടിയോ....
വിശുദ്ധമാസത്തിലെ വിശുദ്ധിയില്‍ നോമ്പുകാരനായിരിക്കെ
നീ ലോകത്തോട് വിടപറഞ്ഞിരിക്കുന്നു...
അതും ഫുട്‌ബോള്‍ മൈതാനങ്ങളില്‍ കത്തിനില്‍ക്കുന്ന നേരത്ത്...
ഐവറി കോസ്റ്റിന്റെ ദേശീയകുപ്പായത്തില്‍ നീ കളിച്ച കളികളും
നീ കാത്തുസൂക്ഷിച്ച മാന്യതയും വലിയ ആവേശവും അതിനെക്കാള്‍
വലിയ മാതൃകയുമായിരുന്നു...
ഐവറി കോസ്റ്റിലെ ചെറിയ ക്ലബ്ബുകളിലൊന്നായ എഫ്.സി ബിബോയിലൂടെ
കരിയര്‍ ആരംഭിച്ച നിന്റെ വളര്‍ച്ച അതിവേഗമായിരുന്നല്ലോ
അവിടെ നിന്ന് ബെല്‍ജിയം ക്ലബ്ബ് ആന്ദര്‍ലെചത്‌ലേക്കും അവിടെ നിന്ന്
ഡച്ച് ക്ലബ്ബ് ട്വന്റിയിലേക്കും നീ വളര്‍ന്നു. പിന്നീട് ന്യൂകാസിലേക്ക് എത്തിയ നീ
അവിടെ കളിച്ച 139 മത്സരങ്ങളും ഞങ്ങള്‍ക്ക് വിരുന്നായിരുന്നു.
ഒടുവില്‍ ചൈനീസ് ലീഗിലേക്കും നിന്നെ വലവിരിച്ചുകൊണ്ടുപോയി.
അതിനിടെ 2010,2014 ലോകകപ്പ് അടക്കം ദേശീയ ടീമിനുവേണ്ടി 52 മത്സരങ്ങളില്‍ ബൂട്ടണിഞ്ഞു....
ഫുട്‌ബോള്‍ മൈതാനങ്ങളില്‍ നീ വളര്‍ന്നുവളര്‍ന്ന് മുന്നേറുമ്പോഴും
നീ ദീനി വിശ്വാസം കൈവെടിഞ്ഞില്ല. ആഘോഷങ്ങളുടെ ലോകത്ത് ജീവിക്കുമ്പോഴും നിസ്‌ക്കാരവും നോമ്പും നീ മുറപോലെ നിര്‍വ്വഹിച്ചു...
ഒടുവില്‍ ഒരു നോമ്പുകാലത്ത്, നോമ്പുകാരനായിട്ട് നോമ്പുതുറയുടെ പവിത്രമാമയ നേരത്ത് നീ കുഴഞ്ഞുവീണു മരിക്കുന്നു...
ഇല്ല....ടിയോ മറക്കില്ലൊരിക്കലും, കറുപ്പിന്റെ ആ അഴകും അള്ളാഹുവിനോടുള്ള നിന്റെ ഭയവും എന്നും ഞങ്ങളുടെ മനസ്സിലുണ്ടാവും...
സത്യം...ഫുട്‌ബോള്‍ മൈതാനങ്ങളില്‍ നിന്നെ ഞങ്ങള്‍ വല്ലാതെ മിസ് ചെയ്യും
ഗോള്‍ നേടുമ്പോഴും മികച്ചൊരു കിക്കെടുക്കുമ്പോഴും മേലോട്ട് കയ്യുയര്‍ത്തി പ്രാര്‍ത്ഥിക്കുന്ന നിന്റെ ചിത്രം മനസ്സില്‍നിന്ന് മായില്ലൊരിക്കലും...
more read
FB A/C: Abikutiyanam Bovikanam New
FB PAGE: Abikutiyanam Bovikanam
Email: abikutiyanam@gmail.com
Blog: ezuthodezuth Blogspot.com
Youtube: Abikutiyanams Video
Whatsaap: 9995416999