മൈ ഗേള്‍

എബി കുട്ടിയാനം

പ്രണയിച്ച്‌ പരാജയപ്പെട്ട പെണ്ണാവണം നീ
കാരണം
നിനക്കറിയാം
സ്‌നേഹത്തിന്റെ വില എന്താണെന്ന്‌

നിനക്കറിയാം
കാത്തിരിപ്പിന്റെ സുഖവും
വേര്‍പ്പാടിന്റെ നൊമ്പരവും

നിനക്കറിയാം
പ്രണയത്തിന്‌ ജീവനക്കേള്‍ വിലയുണ്ടെന്നും
വിരഹം മരണംപോലെ നോവാണെന്നും

ഹൃദയം തകര്‍ന്നുപോകുമ്പോഴൊക്കെ
താങ്ങി നിര്‍ത്താനുള്ള അലിവുണ്ടാവും
നിന്റെ മനസ്സിന്‌

വിളിക്കില്ലെന്നറിയുമ്പോഴും
വിളികേള്‍ക്കാന്‍ കാത്തിരിക്കും
നിന്റെ കാതുകള്‍

എത്ര പൊട്ടിത്തെറിച്ചാലും
ഒരു കണ്ണീരിലൊതുക്കും
നീ നിന്റെ സങ്കടം

പിണങ്ങാനും
വാശിപിടിക്കാനും
ഒടുവില്‍ എന്റെ പരിഭവം കാണുമ്പോള്‍
ഇരുന്ന്‌ കരയാനും നിനക്ക്‌ മാത്രമേ കഴിയു

ഒരു പുഞ്ചിരിക്കുമുന്നില്‍ തീര്‍ന്നുപോകും
നിന്റെ പിണക്കങ്ങള്‍
അതുകൊണ്ട്‌ പറയട്ടെ
എന്റെ പെണ്ണേ
പ്രണയിച്ച്‌ പരാജയപ്പെട്ട പെണ്ണാവണം നീ...

Please read more artilcs

EZUTHODEZUTH blogspot.com
Abi kutiyanam bovikanam new(facebook)